Թեղուտ. Դիլիջանի և Իջևանի խաչմերուկում

• Բնակչությունը՝ 1583 մարդ (2015)
• Հեռավորությունը Դիլիջանից՝ 8 կմ
• Բարձրությունը ծովի մակերևույթից՝ 1150 մ
• Կլիման՝ բարեխառն, մեղմ
• Միջին ջերմաստիճանն.
  • ամռանը՝ +19, +25 C
  • ձմռանը՝ -2, -7 C.
• 1925 թ. (որպես Ջարխեչի շրջան)
• 1923 թ. (որպես առանձին բնակավայր)

Թեղուտ՝ ոչ մեծ գյուղ Տավուշի մարզում՝ Դիլիջանից դեպի հյուսիս-արևելք մի քանի կիլոմետր հեռավորությամբ, տեղակայված Աղստև գետի ձախ ափին: Գյուղը գտնվում է Դիլիջանը Տավուշի մարզի վարչական կենտրոնին՝ Իջևանին կապող գլխավոր ճանապարհի անմիջական հարևանությամբ:

Գյուղից ոչ հեռու՝ անտառային գեղատեսիլ գոտում, գտնվում է Պարզ լիճը՝ Տավուշի մարզի կարևորագույն բնական հուշարձաններից մեկը:

Թեղուտ համայնքը հիմնվել է 1925 թ. և համարվել է Ջարխեչի (այժմ Հաղարծին) շրջաններից մեկը, իսկ 1993 թ. նոյեմբերի 5-ին Թեղուտը դարձավ առանձին բնակավայր:

Գյուղատնտեսության և բնակչության զբաղվածության հիմնական ուղղություններն են՝

• անասնապահությունը,
• դաշտային բույսերի աճեցումը,
• բանջարաբուծությունը

Ներկայիս Թեղուտի տարածքում հայտնաբերվել են բրոնզե դարի գտածոներ և հայկական գերեզմանատուն, որն ունի 6000 տարվա պատմություն: Գյուղից 5 կմ դեպի հյուսիս ' «Չերի Գղեր» տարածքում, գտնվում են Արտաշես I-ից մնացած, հայատառ փորագրված արձանագրությամբ 2 սահմանագծային քարեր։

Մի՛ շփոթեք: Հարևան Լոռու մարզում կա նույնանուն Թեղուտ գյուղ: