Գոշավանք վանական համալիրը

Միջնադարյան վանական համալիր Գոշավանքը միջնադարյան Հայաստանի տաճարային ճարտարապետության ևս մեկ հրաշալի օրինակ է: Գտնվում է Գոշ գյուղի կենտրոնում, գեղատեսիլ Տանձուտի կիրճում: Համալիրը կառուցված է բարձր սարահարթի վրա՝ Աղստև և Գետիկ գետերի միախառնման տեղից ոչ հեռու, և ասես վեր է խոյանում կիրճի վրա:

«Այս անսամբլը շրջակա բնության հետ անբաժան ամբողջություն է կազմում, որի մեջ արտահայտվում է տարածքի լանդշաֆտը գերազանց օգտագործել կարողացող միջնադարյան ճարտարապետների ստեղծագործական հանճարը»- կարծում են «Դիլիջանի պատմամշակութային հուշարձանները» գրքի հեղինակները:

Համալիրը հիմնվել է XII դարում հայ ականավոր մտածող, փիլիսոփա և իրավագետ Մխիթար Գոշի կողմից ավելի հին, 1185 թ. երկրաշարժից ավերված Գետիկ վանքի տեղում: Գոշն անվանեց այն Նոր Գետիկ, բայց մտածողի մահից հետո եկեղեցին 1213 թ. վերանվանվեց Գոշավանք (Գոշի վանք):

Հենց Մխիթար Գոշը հուղարկավորվեց այստեղ՝ իր կողմից կառուցած վանական համալիրի մոտ: Ավարտելով եկեղեցու և գավիթի կառուցումը՝ Գոշն իր համար ոչ մեծ մատուռ կառուցեց, որի կողքին էլ, Կիրակոս Գանձակեցու վկայություններով, հուղարկավորվեց: Այս փոքր մատուռը ավանդաբար համարվում է մտածողի գերեզմանատունը:

Գոշավանք վանական համալիրը ներառում է Սբ. Աստվածամոր (1191—1196 թթ.) եկեղեցին, եկեղեցու գավիթը (1202—1203), Սբ. Գրիգորի եկեղեցին (1234 թ.), Սբ. Գրիգոր Լուսավորչի եկեղեցին (1237 թ.), ինչպես նաև զանգակատները, թեմական դպրոցներն ու գրադարանը (1241 – 1291 թթ):

Անսամբլի գլխավոր եկեղեցին 1191-1196 թթ. կառուցված Սբ. Աստվածամոր (Սբ. Աստվածածին) եկեղեցին է, որն իրենից ներկայացնում է տիպիկ գմբեթախաչ կառույց կիսաշրջանաձև խորանով արևելյան հատվածում: Եկեղեցին կառուցված է տեղական քարից, որ ունի վարդագույն երանգ:

«Դրսի կողմից եկեղեցու պատերը հարթ են, հարավային և արևելյան պատերի վրա կան ոչ մեծ դեկորատիվ եռանկյունաձև որմնախորշեր: Թմբուկի վերնամասով անցնում է լայն շերտագիծ՝ պատված բարդ երկրաչափական ուռուցիկ զարդաքանդակով: Արևմտյան պատի շքեղ ձևավորված ճակատամուտքը իրար է կապում եկեղեցին և գավիթը»:

Գոշավանք վանական համալիրը եղել է միջնադարյան Հայաստանի ոչ միայն հոգևոր, այլ նաև կրթական կենտրոնը, իսկական համալսարան, որտեղ սովորեցնում էին փիլիսոփայություն, աստվածաբանություն, երաժշտություն, լեզուներ և այլ գիտություներ: Այստեղ սովորել և ապրել են Հայաստանի մշակութային ականավոր գործիչներ Վանական Վարդապետն ու Կիրակոս Գանձակեցին:

Блог

Перейти

Памятники Дилижана

Городские памятники выполняют не только эстетическую функцию: они хранят информацию об ушедших эпохах, истории и культуре города. Дилижан, безусловно, не является исключением.

Сувениры на память: необычные идеи подарков из Дилижана

Сувениры из поездок – это приятная традиция, которая помогает мысленно вновь и вновь возвращаться к ощущениям во время путешествий.

Монастыри Дилижана

Тавушская область славится не только удивительной природой, но и богатым культурно-историческим, архитектурным наследием.

Рестораны Дилижана

Вот уже несколько лет Дилижан обрастает интересными, концептуальными заведениями, которые могут зацепить посетителей как национальной кухней, так и блюдами международной кухни.